Back الحزب الديمقراطي الاجتماعي (المملكة المتحدة) Arabic الحزب الاجتماعى الديموقراطى (المملكة المتحدة) ARZ সামাজিক গণতান্ত্রিক দল (যুক্তরাজ্য) Bengali/Bangla Partit Socialdemòcrata (Regne Unit) Catalan Social Democratic Party (UK) English Partio socia demokrata (Britio) Esperanto Partido Social Demócrata (Reino Unido) Spanish حزب سوسیال دموکرات (بریتانیا) Persian Parti social-démocrate (Royaume-Uni) French המפלגה הסוציאל-דמוקרטית (הממלכה המאוחדת) HE
| Y Democratiaid Cymdeithasol | |
|---|---|
 | |
| Sefydlwyd | 26 Mawrth 1981[1] |
| Daeth i ben | 3 Mawrth 1988 |
| Holltwyd oddi wrth | Y Blaid Lafur |
| Unwyd i greu | Y Democratiaid Rhyddfrydol |
| Rhestr o idiolegau | Centrism, Rhyddfrydiaeth-Cymdeithasdol[2][3] |
| Plaid yn y DU | Y Gynghrair SDP-Rhyddfrydwyr |
| Partner rhyngwladol | dim |
| Lliw | Glas a choch |
Roedd Plaid y Democratiaid Cymdeithasol (SDP) yn blaid wleidyddol ganolig yn y Deyrnas Unedig a grëwyd ar 26 Mawrth 1981 ac a oedd yn bodoli tan 1988.
Fe'i sefydlwyd gan bedwar aelod blaenllaw 'cymedrol' o'r Blaid Lafur, a alwyd y Gang o Bedwar: Roy Jenkins, David Owen, Bill Rodgers a Shirley Williams. Ar yr adeg pan gredwyd y blaid roedd Owen a Rodgers yn eistedd fel Aelodau Seneddol Llafur. Roedd Jenkins wedi ymadael â San Steffan ym 1977 i wasanaethu fel Llywydd y Comisiwn Ewropeaidd, tra bod Williams wedi colli ei sedd yn etholiad cyffredinol 1979.
Ymadawodd y pedwar â'r Blaid Lafur o ganlyniad i newidiadau polisi a benderfynwyd yng Nghynhadledd Wembley y Blaid Lafur yn Ionawr 1981 a oedd yn ymrwymo'r blaid i ddiarfogi niwclear unochrog ac i dynnu allan o'r Gymuned Economaidd Ewropeaidd. Roeddynt hefyd yn credu bod Llafur wedi gogwyddo gormod i'r adain chwith ac wedi cael ei ymdreiddio ar lefel canghennau etholaethol gan garfanau Trotsgiaidd eu barn ac ymddygiad a oedd yn groes i ddyheadau'r mwyafrif o bleidleiswyr Llafur a'r Blaid Lafur Seneddol.
Ar gyfer Etholiadau Cyffredinol 1983 a 1987 ffurfiwyd cynghrair rhwng y Democratiaid Cymdeithasol a'r Blaid Ryddfrydol a elwid yn Gynghrair Democratiaid Cymdeithasol - Rhyddfrydol.
Ar ôl pleidlais ymysg yr aelodau cefnogwyd cynnig mewn cynhadledd a gynhaliwyd yn Portsmouth ym 1987 i'r blaid uno gyda'r Blaid Ryddfrydol i ffurfio un blaid unedig o'r enw Y Democratiaid Rhyddfrydol
- ↑ http://news.bbc.co.uk/onthisday/hi/dates/stories/march/26/newsid_2531000/2531151.stm
- ↑ Stephen Driver (16 Mai 2011). Understanding British Party Politics. Polity. tt. 117–. ISBN 978-0-7456-4077-8. Cyrchwyd 20 Gorffennaf 2013.
- ↑ Ian Adams (1998). Ideology and Politics in Britain Today. Manchester University Press. tt. 63–. ISBN 978-0-7190-5056-5. Cyrchwyd 20 Gorffennaf 2013.